തിരുവനന്തപുരം: കോണ്‍ഗ്രസിനെ അപമാനിക്കാനും ഇല്ലാതാക്കാനും കേന്ദ്രനീക്കം നടക്കുകയാണെന്ന് സംസ്ഥാന കോണ്‍ഗ്രസ് നേതൃത്വം.
കെ.പി.സി.സി പ്രസിഡന്‍റ് കെ. സുധാകരന്, പ്രതിപക്ഷനേതാവ് വി.ഡി. സതീശന്‍, നേതാക്കളായ ഉമ്മന്‍ ചാണ്ടി, രമേശ് ചെന്നിത്തല, എം.എം. ഹസന്‍ എന്നിവര്‍ കെ.പി.സി.സി ആസ്ഥാനത്ത് സംയുക്ത വാര്‍ത്തസമ്മേളനം നടത്തിയാണ് കേന്ദ്ര സര്‍ക്കാറിനെതിരെ പ്രതികരിച്ചത്. സോണിയ ഗാന്ധിക്കും രാഹുല്‍ ഗാന്ധിക്കും എതിരായ ഇ.ഡി നടപടിയില്‍ പ്രതിഷേധിച്ച്‌ കെ.പി.സി.സിയുടെ നേതൃത്വത്തില്‍ വ്യാഴാഴ്ച രാജ്ഭവന്‍ മാര്‍ച്ചും വെള്ളിയാഴ്ച ജില്ല തല പ്രതിഷേധവും സംഘടിപ്പിക്കുമെന്ന് നേതാക്കള്‍ അറിയിച്ചു.
നാഷനല്‍ ഹെറാള്‍ഡ് കോണ്‍ഗ്രസി‍െന്‍റ സ്വത്താണ്. പത്രത്തി‍െന്‍റ സാമ്ബത്തിക പ്രതിസന്ധി പരിഹരിക്കാന്‍ വ്യവസ്ഥാപിത മാര്‍ഗത്തിലൂടെയാണ് 90 കോടി രൂപ നല്‍കിയിട്ടുള്ളത്. ഒരുരൂപ പോലും ഡയറക്ടര്‍ ബോര്‍ഡംഗങ്ങള്‍ക്ക് ലാഭം കിട്ടിയിട്ടില്ല. ഇക്കാര്യങ്ങളെല്ലാം നേരത്തെ തെരഞ്ഞെടുപ്പ് കമീഷന്‍ അന്വേഷിച്ച്‌ കഴമ്ബില്ലെന്ന് കണ്ടെത്തിയിരുന്നു.
എന്നാല്‍, ഇപ്പോള്‍ ഇ.ഡിയെ ഉപയോഗിച്ച്‌ കോണ്‍ഗ്രസിനെ തകര്‍ക്കാനാണ് ശ്രമം. രാഷ്ട്രീയ എതിരാളികളെ തകര്‍ക്കാന്‍ കേന്ദ്ര ഏജന്‍സികളെ ബി.ജെ.പി ഉപയോഗിക്കുകയാണെന്നും നേതാക്കള്‍ പറ‌ഞ്ഞു