വര്ക്കല: രാത്രി വീട് ചവിട്ടിത്തുറന്ന് വീട്ടമ്മയെയും മകനെയും ആക്രമിച്ച യുവാവ് അറസ്റ്റില്.ചാവര്കോട് വേങ്ങോട് എല്.പി.എസിന് സമീപം പുത്തന്വീട്ടില് അനില് (19) ആണ് അറസ്റ്റിലായത്.
എട്ടിന് രാത്രി ഒമ്ബതേ മുക്കാലോടെയാണ് കേസിനാസ്പദമായ സംഭവം നടന്നത് . അയിരൂര് വേങ്ങോട് ശ്രീകൃഷ്ണ സ്വാമി ക്ഷേത്രത്തിന് സമീപം താമസിക്കുന്ന സുജാത (56), മകന് അഭിഷേക് എന്നിവര്ക്കാണ് ആക്രമണത്തില് പരിക്കേറ്റത്. ടി.വി കണ്ടുകൊണ്ടിരിക്കുമ്ബോഴാണ് വീട്ടില് ചവിട്ടിത്തുറന്ന് അകത്തുകയറിയ പ്രതി ഇവരെ ആക്രമിച്ചത്.
പൊലീസ് എത്തിയപ്പോഴേക്കും രക്ഷപ്പെട്ട പ്രതിയെ കടമ്ബാട്ടുകോണത്തെ ഒളിത്താവളത്തില് നിന്നാണ് പിടികൂടിയത്.അയിരൂര് ഇന്സ്പെക്ടര് വി.എല്. ശ്രീജേഷ്, എസ്.ഐ എസ്. സജിത്ത്, പൊലീസുകാരായ ജയ് മുരുകന്, സജീവ്, സജു എന്നിവരുള്പ്പെട്ട സംഘമാണ് പ്രതിയെ പിടികൂടിയത്. പ്രതിയെ കോടതിയില് ഹാജരാക്കി