പാലാ നഗരത്തിൽ ജോസ് കെ മാണിയെ അപമാനിച്ചും , മോഷണക്കേസ് പ്രതിയെ പുകഴ്ത്തിയും ഫ്ളെക്സുകൾ. ഫ്ളെക്സ് ബോർഡ് കത്തിച്ച് കേരള കോൺഗ്രസ് എം കൗൺസിലർമാർ…

പാലാ നഗരത്തിൽ ജോസ് കെ മാണിയ്ക്കെതിരായി പ്രത്യക്ഷപ്പെട്ട ഫ്ളക്സ് ബോർഡ് കത്തിച്ച് ഇടത് കൗൺസിലർമാർ. നഗരസഭയ്ക്ക് മുന്നിൽ പാലത്തിൽ സ്ഥാപിച്ചിരുന്ന ഫ്ളക്സ് ബോർഡാണ് കൗൺസിലർമാർകീറി കത്തിച്ചത്. ബിനു പുളിക്കക്കണ്ടമാണ് പാലായ്ക്ക് അപമാനമെന്നും കൗൺസിലർമാർ പറഞ്ഞു.

ജോസ് കെ മാണിയ്ക്കും സിപിഎമ്മിനും മുദ്രാവാക്യം വിളിച്ചുകൊണ്ടാണ് നഗരസഭാ വളപ്പിൽ നിന്നും ഇവർ ടൗണിലേയ്ക്കെത്തിയത്. നഗരസഭാ ചെയർമാൻ ഷാജു തുരുത്തിന്റെ നേതൃത്വത്തിലാണ് ഫ്ളക്സ് ബോർഡ് കീറി തീകൊളുത്തിയത്. ഈ കൗൺസിൽ തുടങ്ങിയ മുതൽ നഗരസഭയ്ക്ക് അപമാനകരമായ രീതിയിൽ തുടരുന്നയാളാണ് പോസ്റ്റർ സ്ഥാപിച്ചതെന്ന് ഷാജു തുരുത്തൻ പറഞ്ഞു.

കൗൺസിലർമാരായ ബൈജു കൊല്ലംപറമ്പിൽ, ജോസ് ചീരാംകുഴി, ജോസിൻ ബിനോ, പ്രവർത്തകരായ സുനിൽ പയ്യപ്പള്ളി, ബിജു പാലൂപ്പടവൻ എന്നിവരും നേതൃത്വം നല്കി