പെൺകുട്ടിയെ ബൈക്കിൽ പിന്തുടർന്നു; മാല പൊട്ടിക്കാൻ ശ്രമം; 20കാരൻ പിടിയിൽ

Spread the love
  •  
  •  
  •  
  •  
  •  
  •  
  •   
  •  
  •  
  •  
  •  
  •  
  •  
  •  
  •  

തിരുവനന്തപുരം: ഇരുചക്ര വാഹനത്തിൽ സഞ്ചരിച്ച പെൺകുട്ടിയെ പിന്തുടർന്ന് കഴുത്തിൽ കിടന്ന മാല പൊട്ടിച്ചു കടന്നു കളയാൻ ശ്രമിച്ച സംഘത്തിലെ യുവാവ് പിടിയിൽ. പെരിങ്ങമ്മല ജവഹർ കോളനിയിൽ അൻസിൽ (20) ആണ് അറസ്റ്റിലായത്. കിളിമാനൂരിന് സമീപം താളിക്കുഴിയിലാണ് സംഭവം. സ്‌കൂട്ടിയിൽ യാത്ര ചെയ്യുകയായിരുന്ന പെൺകുട്ടിയെ പിന്തുടർന്ന് ബൈക്കിലെത്തിയ മോഷ്ടാക്കൾ താളിക്കുഴിയിൽ വച്ച് മാല വലിച്ചു പൊട്ടിക്കാൻ ശ്രമിക്കുകയുമായിരുന്നു. പെൺകുട്ടി നിലവിളിച്ചതിനെ തുടർന്ന് രക്ഷപ്പെട്ട മോഷ്ടാക്കളുടെ ബൈക്കിന്റെ നമ്പർ കേന്ദ്രീകരിച്ച് പാങ്ങോട് പൊലീസിന്റെ സഹായത്തോടെ നടത്തിയ അന്വേഷണത്തിലാണ് കിളിമാനൂർ പൊലീസ് പ്രതിയെ അറസ്റ്റ് ചെയ്തത്.മറ്റ് പ്രതികൾക്കായുള്ള അന്വേഷണം തുടരുന്നതായി പൊലീസ് പറഞ്ഞു. പ്രതിക്കെതിരേ നെടുമങ്ങാട് പൊലീസ് സ്റ്റേഷനിലും ഇത്തരത്തിൽ കേസുകൾ ഉണ്ടെന്നും പൊലീസ് വ്യക്തമാക്കി. 

 Save as PDF

Spread the love
  •  
  •  
  •  
  •  
  •  
  •  
  •   
  •  
  •  
  •  
  •  
  •  
  •  
  •  
  •