ചിങ്ങവനം: ചരക്ക് കപ്പലിലെ ജീവനക്കാരനായ കോട്ടയം കുറിച്ചി സ്വദേശിയായ യുവാവിനെ കപ്പലില്നിന്നും കാണാതായതായി ബന്ധുക്കള്ക്ക് വിവരം ലഭിച്ചു.കുറിച്ചി വലിയിടത്തറ ജസ്റ്റിന് കുരുവിളയെ(28)യാണ് സൗത്ത് ആഫ്രിക്കയില്നിന്നും അമേരിക്കയിലേക്കുള്ള യാത്രയ്ക്കിടെ കാണാതായതായി കപ്പല് അധികൃതര് ബന്ധുക്കളെ അറിയിച്ചിരിക്കുന്നത്.
സ്ട്രീം അറ്റ്ലാന്ഡിക് എന്ന കപ്പലിലെ അസിസ്റ്റന്റ് കുക്കായി ജോലി ചെയ്യുകയായിരുന്നു ജസ്റ്റിന്. കഴിഞ്ഞ 31നാണ് കപ്പല് ആഫ്രിക്കന് തീരത്ത നിന്നും പുറപ്പെട്ടത്. ഈ മാസം 23ന് അമേരിക്കന് തീരത്ത് എത്തേണ്ട കപ്പലില്നിന്നും കഴിഞ്ഞ എട്ടിന് ജസ്റ്റിനെ കാണാതായതായി കപ്പല് അധികൃതര് ബുധനാഴ്ച രാവിലെ ഏഴ് മണിയോടെ ബന്ധുക്കളെ അറിയിച്ചു.
കപ്പലില് 25 ജീവനക്കാര് ആയിരുന്നു ഉണ്ടായിരുന്നത്. ഇപ്പോള് കപ്പലുമായുള്ള ആശയ വിനിമയം വിച്ഛേദിച്ചിരിക്കുന്നതായാണ് ബന്ധുക്കള്ക്ക് ലഭിക്കുന്ന വിവരം.