ബംഗളൂരു: ഹിജാബ് കേസില് കര്ണാടക ഹൈക്കോടതി ഫുള് ബെഞ്ച് ഇന്നു വിധി പ്രഖ്യാപിക്കുമെന്നു സൂചന.ഹിജാബ് നിരോധനത്തിനെതിരായ വിവിധ ഹര്ജികളില് രാവിലെ 10.30 നാണ് കര്ണാടക ഹൈക്കോടതി വിശാല ബെഞ്ച് വിധി പറയുക.
കേസില് വാദം കഴിഞ്ഞ ദിവസം പൂര്ത്തിയായിരുന്നു. ചീഫ് ജസ്റ്റീസ് റിതുരാജ് അവസ്തി, ജസ്റ്റീസ് കൃഷ്ണ എസ്. ദീക്ഷിത്, ജസ്റ്റീസ് ജെ.എം. ഖാസി എന്നിവരടങ്ങിയ ഫുള് ബെഞ്ച് ഫെബ്രുവരി ഒന്പതിനാണു രൂപവത്കരിച്ചത്.
തൊട്ടടുത്ത ദിവസം മുതല് ഫുള് ബെഞ്ച് കേസില് വാദം കേട്ടുതുടങ്ങി. വിധിപ്രഖ്യാപനത്തിന്റെ പശ്ചാത്തലത്തില് സംസ്ഥാന സര്ക്കാര് ബംഗളൂരുവില് ഒരാഴ്ച്ചത്തേക്ക് നിരോധനാജ്ഞ പ്രഖ്യാപിച്ചു.