ഗൂഗിള് ഡ്രൈവ് ഉപയോക്താക്കള്ക്ക് മുന്നറിയിപ്പുമായി ഗൂഗിള്. സ്പാം അറ്റാക്കിനെ ഫലപ്രദമായി പ്രതിരോധിക്കുന്നതിനുള്ള മാർഗങ്ങള് അടക്കമാണ് മുന്നറിയിപ്പ് നല്കിയിരിക്കുന്നത്.
ഒരു ഫയല് സ്പാമാണെന്ന് സംശയിക്കുന്നുവെങ്കില്, സ്പാം അടയാളപ്പെടുത്തുന്നതിനോ അണ്മാർക്ക് ചെയ്യുന്നതിനോ ഗൂഗിള് ഡ്രൈവ് നല്കുന്ന നിർദ്ദേശങ്ങള് പാലിക്കണം. ഇവയില് ഏതെങ്കിലും ലിങ്കുകളില് ക്ലിക്ക് ചെയ്യുകയോ അവ ഓപ്പണ് ചെയ്യുകയോ ചെയ്യരുതെന്ന് ഉപയോക്താക്കളോട് ഗൂഗിള് അഭ്യർത്ഥിച്ചു.
ഗൂഗിള് ഡ്രൈവ് ഉപയോക്താക്കള്ക്ക് സ്പാമുകള് എളുപ്പത്തില് റിപ്പോർട്ട് ചെയ്യാനാകും. സ്മാർട്ട്ഫോണുകളില്, ഒരു ഫയലില് ഘടിപ്പിച്ചിരിക്കുന്ന ത്രീ-ഡോട്ട് മെനുവില് ടാപ്പ് ചെയ്ത് ‘റിപ്പോർട്ട്’ ബട്ടണില് ടാപ്പ് ചെയ്യുക. കമ്ബ്യൂട്ടറുകളില്, ഫയലില് വലത്-ക്ലിക്കുചെയ്ത് ‘ബ്ലോക്ക് അല്ലെങ്കില് റിപ്പോർട്ട്’ മെനുവില് ക്ലിക്കുചെയ്യുക. കൂടാതെ, ഗൂഗിള് ഡ്രൈവ് ഉപയോക്താക്കള്ക്ക് 2023-ല് അവതരിപ്പിച്ച സ്പാം ഫോള്ഡറിലേക്ക് സംശയാസ്പദമായി കാണുന്ന ഫയലുകള് നീക്കാനും കഴിയും.
സ്പാം ആണെന്ന് സംശയിക്കുന്ന എല്ലാ ഫയലുകളിലും നിർദ്ദേശങ്ങള് പാലിക്കണമെന്നും അല്ലെങ്കില് ഡ്രൈവിലെ സ്പാം അണ്മാർക്ക് ചെയ്യണമെന്നും നിർദ്ദേശത്തില് പറയുന്നു. ഈ ഫയലുകള് തുറക്കാത്ത സാഹചര്യങ്ങളില് ഗൂഗിള് ആ സ്പാം ഡോക്യുമെന്റ് തടഞ്ഞുവെന്നാണ് മനസിലാക്കേണ്ടത്. സ്പാം അറിയിപ്പുകള് ലഭിച്ച ശേഷം ഇത്തരം സ്പാമുകളെ ഇല്ലാതാക്കാനുള്ള ശ്രമങ്ങളും തങ്ങള് നടത്തുമെന്നും ഗൂഗിള് വൃത്തങ്ങള് വ്യക്തമാക്കുന്നു.
ഉപയോക്താക്കളെ സൈബർ സുരക്ഷാ ഭീഷണികളില് നിന്ന് രക്ഷിക്കാനായിട്ടാണ് ഈ മുന്നറിയിപ്പ് ഗൂഗിള് ഡ്രൈവ് ടീമില് നിന്ന് നേരിട്ട് അയക്കുന്നത്. ഡാറ്റയുടെയും അക്കൗണ്ടുകളുടെയും സുരക്ഷ ഉറപ്പാക്കാൻ ഗൂഗിള് ഡ്രൈവ് ഉപയോഗിക്കുമ്ബോള് ജാഗ്രത പാലിക്കണമെന്നും ഗൂഗിള് പറയുന്നു.