ജോണി നെല്ലൂർ എൽ ഡി എഫിലേക്ക് ? ബിജെപിയുമായി സഹകരിക്കില്ല; യുഡിഎഫ് നേതൃത്വവുമായി തനിക്ക് അഭിപ്രായവ്യത്യാസം; മുഖ്യമന്ത്രിയെ കണ്ട് ജോണി നെല്ലൂര്‍.
കൊച്ചി :യുഡിഎഫ് മുൻ സെക്രട്ടറിയും മുൻ എംഎല്‍എയുമായ ജോണി നെല്ലൂര്‍ മുഖ്യമന്ത്രി പിണറായി വിജയനുമായി കൂടിക്കാഴ്ച നടത്തി. എറണാകുളം ഗസ്റ്റ് ഹൗസിലായിരുന്നു കൂടിക്കാഴ്ച നടത്തിയത്.
‘ഏത് മുന്നണിയുമായി സഹരിക്കണമെന്ന കാര്യത്തിൽ ഉടൻ തീരുമാനമെടുക്കും. നവകേരള സദസ്സിന്റെ കാര്യത്തിൽ യുഡിഎഫ് വിശാലമായി ചിന്തിക്കണമായിരുന്നു. വികസന കാര്യത്തിൽ രാഷ്ട്രീയത്തിന് ഇളവനുവദിക്കണം. മുഖ്യമന്ത്രിയും മന്ത്രിസഭാംഗങ്ങളും വരുമ്ബോൾ ജനപ്രതിനിധികൾ നിർബന്ധമായും പങ്കെടുക്കണമായിരുന്നു എന്നാണ് തന്റെനിലപാട്. നവകേരള സദസ്സിനെ ഇഷ്ടപ്പെടുന്നവർ ഏറെയുണ്ട്. നാളെ പെരുമ്പാവൂരിൽ നടത്താൻ നിശ്ചയിച്ചിരുന്ന പ്രഭാത യോഗത്തിൽ പങ്കെടുക്കാൻ ഉദ്ദേശിച്ചിരുന്നു എന്നും ജോണി നെല്ലൂർ പറഞ്ഞു.
ബി ജെ പി യുമായും , യു ഡി എ എ ഫുമായും അഭിപ്രായ വ്യത്യാസമുള്ള നിലക്ക് നെല്ലൂർ പരിഗണിക്കുക എൽ ഡി എഫ് തന്നെ ആയിരിക്കുമെന്നാണ് രാഷ്ട്രീയ നിരീക്ഷകർ കരുതുന്നത്.
