ന്യൂഡല്ഹി: വ്യക്തികള്ക്കും ബിസിനസുകള്ക്കും രാഷ്ട്രീയ പാര്ട്ടികള്ക്ക് അജ്ഞാതമായി സംഭാവന നല്കാന് അനുവദിക്കുന്ന പദ്ധതിയായ ഇലക്ടറല് ബോണ്ടുകളുടെ മുഴുവന് വിവരങ്ങളും പങ്കിടാത്ത സ്റ്റേറ്റ് ബാങ്ക് ഓഫ് ഇന്ത്യയ്ക്കെതിരെ സുപ്രീം കോടതിയുടെ രൂക്ഷ വിമര്ശനം.
സ്കീം റദ്ദാക്കിയ കോടതി കഴിഞ്ഞ 5 വര്ഷമായി നല്കിയ സംഭാവനകളെക്കുറിച്ചുള്ള എല്ലാ വിശദാംശങ്ങളും പങ്കിടാന് ബാങ്കിനോട് നിര്ദ്ദേശിച്ചു. തിരഞ്ഞെടുപ്പ് കമ്മീഷന് നല്കിയ ഹര്ജി പരിഗണിച്ച സുപ്രീംകോടതി, സുപ്രീം കോടതി നല്കിയ വിവരങ്ങള് അപൂര്ണ്ണമാണെന്ന് പറഞ്ഞു. ‘സ്റ്റേറ്റ് ബാങ്ക് ഓഫ് ഇന്ത്യക്ക് വേണ്ടി ഹാജരാകുന്നത് ആരാണെന്ന് ചോദിച്ച സുപ്രീംകോടതി ബോണ്ട് നമ്ബറുകള് വെളിപ്പെടുത്തിയിട്ടില്ല. സ്റ്റേറ്റ് ബാങ്ക് ഓഫ് ഇന്ത്യയാണ് ഇത് വെളിപ്പെടുത്തേണ്ടതെന്നും വാദം കേള്ക്കലിന്റെ തുടക്കത്തില് തന്നെ ചീഫ് ജസ്റ്റിസ് ഡി വൈ ചന്ദ്രചൂഡ് പറഞ്ഞു.
ബോണ്ടിന്റെ സീരിയല് നമ്ബര് പ്രസിദ്ധീകരിക്കണമെന്ന് സുപ്രീംകോടതി എസ്ബിഐ യോട് ആവശ്യപ്പെട്ടിരിക്കുകയാണ്. പ്രസിദ്ധീകരിച്ച രേഖയില് സീരിയല് നമ്ബര് ഇല്ലാത്തത് എന്തുകൊണ്ടാണെന്ന് ചോദിച്ച കോടതി തിങ്കളാഴ്ച വരെ മറുപടി നല്കാന് എസ്ബിഐയ്ക്ക് സമയം നല്കുകയും ചെയ്തിട്ടുണ്ട്. കോടതി നല്കുന്ന രേഖ ഈ മാസം 17 ന് മുമ്ബ് മൊത്തം പ്രസിദ്ധീകരിക്കണമെന്നും ആവശ്യപ്പെട്ടിട്ടുണ്ട്.