ഒക്ടോബര് മാസം രണ്ട് ഗ്രഹണങ്ങളാണ് സംഭവിക്കുന്നത്. ഈ വര്ഷം രണ്ട് സൂര്യഗ്രഹണങ്ങളും രണ്ട് ചന്ദ്രഗ്രഹണങ്ങളും സംഭവിക്കുന്നു.
ഒരു ചന്ദ്ര ഗ്രഹണവും ഒരു സൂര്യ ഗ്രഹണവും ഇതിനോടകം കടന്നുപോയി. ഒരു ചന്ദ്ര ഗ്രഹണവും ഒരു സൂര്യ ഗ്രഹണവും ഈ മാസം സംഭവിക്കാനിരിയ്ക്കുന്നു. സൂര്യഗ്രഹണവും ചന്ദ്രഗ്രഹണവും പ്രധാനപ്പെട്ട രണ്ട് ജ്യോതിശാസ്ത്ര പ്രതിഭാസങ്ങളാണ്. അതേസമയം, അവയ്ക്ക് ഹൈന്ദവ മതത്തിലും ജ്യോതിഷത്തിലും വലിയ പ്രാധാന്യമുണ്ട്.
ഇനി വരാനിരിയ്ക്കുന്ന രണ്ട് ഗ്രഹണങ്ങള് എപ്പോള് സംഭവിക്കും, ഇന്ത്യയില് അവയുടെ സമയവും ഫലവും എന്തായിരിക്കുമെന്ന് നമുക്ക് അറിയാം.
2023-ലെ മൂന്നാമത്തെ ഗ്രഹണം: ഈ വര്ഷത്തെ മൂന്നാമത്തെ ഗ്രഹണം ഒക്ടോബര് 14-ന് നടക്കുന്ന സൂര്യഗ്രഹണമാണ്. ഈ ഗ്രഹണം ഇന്ത്യയില് ദൃശ്യമാകില്ല. അതുകൊണ്ട് അതിൻറെ സൂതക് കാലം സാധുവാകില്ല. ഈ ഗ്രഹണം ടെക്സാസ്, മെക്സിക്കോ, മധ്യ അമേരിക്ക, കൊളംബിയ, ബ്രസീലിൻറെ ചില ഭാഗങ്ങള്, അലാസ്ക, അര്ജന്റീന എന്നിവിടങ്ങളില് ദൃശ്യമാകും.
ഈ വര്ഷത്തെ അവസാന ഗ്രഹണം ഒക്ടോബര് 28 ന് നടക്കുന്ന ചന്ദ്രഗ്രഹണമാണ്. ശരദ് പൂര്ണിമ ദിനത്തില് സംഭവിക്കുന്ന ഈ ഗ്രഹണം ഇന്ത്യയുടെ വിവിധ ഭാഗങ്ങളില് ദൃശ്യമാകും. അതുകൊണ്ട് അതിൻറെ സൂതക് കാലം സാധുവായിരിക്കും. രണ്ടാമത്തെ ചന്ദ്രഗ്രഹണം 28 ഒക്ടോബര് 2023 രാത്രി 11:31 ന് ആരംഭിച്ച് 29 ഒക്ടോബര് 2023, പുലര്ച്ചെ 3:36 ന് അവസാനിക്കും. ഇത് ഭാഗിക ചന്ദ്രഗ്രഹണമാണ്, ഇന്ത്യയെ കൂടാതെ യൂറോപ്പ്, ഓസ്ട്രേലിയ, വടക്കൻ-ദക്ഷിണാഫ്രിക്ക, ആര്ട്ടിക്, അന്റാര്ട്ടിക്ക, പസഫിക്, അറ്റ്ലാന്റിക്, ഇന്ത്യൻ മഹാസമുദ്രം തുടങ്ങി ഏഷ്യയിലെ പല രാജ്യങ്ങളിലും ഇത് ദൃശ്യമാകും.
2023 ലെ ഗ്രഹണം പ്രകൃതി ദുരന്തങ്ങള് കൊണ്ടുവരും എന്നാണ് ജ്യോതിഷികള് നടത്തുന്ന പ്രവചനങ്ങളില് പറയുന്നത്. കൂടാതെ, നേരെമറിച്ച്, ഈ ഗ്രഹണങ്ങള് രാജ്യത്തും ലോകത്തും വലിയ സ്വാധീനം ചെലുത്തും. ഇത് പ്രകൃതി ദുരന്തങ്ങള്ക്ക് കാരണമാകും. ഈ ഗ്രഹണങ്ങള് മൂലം ഭൂകമ്ബം, വെള്ളപ്പൊക്കം, സുനാമി എന്നിവ ഉണ്ടാകാം. വിമാനാപകടങ്ങളും രാഷ്ട്രീയ അസ്ഥിരതയും ഉണ്ടാകാം. എന്നിരുന്നാലും, ചില രാശിക്കാര്ക്ക് ബിസിനസില് ഉയര്ച്ച ഉണ്ടാകും, കൂടുതല് തൊഴിലവസരങ്ങള് ഉണ്ടാകും.
അതേസമയം, ജ്യോതിഷം പറയുന്നതനുസരിച്ച് ഇനി സംഭവിക്കാനിരിയ്ക്കുന്ന സൂര്യ, ചന്ദ്ര ഗ്രഹണങ്ങള് വ്യക്തി ജീവിതത്തില് വലിയ സ്വാധീനം ചെലുത്തും. കൂടാതെ, സൂര്യ ചന്ദ്ര ഗ്രഹണങ്ങള് മൂന്ന് രാശിക്കാരുടെ ജീവിതത്തില് വലിയ ദോഷമാണ് വരുത്തി വയ്ക്കുക. അതായത്, മൂന്ന് രാശിക്കാരുടെ ജീവിതത്തില് വലിയ മോശം സമയം ഉണ്ടാകാൻ പോകുന്നു. ആ രാശിക്കാര് ഏതൊക്കെയാണ് എന്ന് നോക്കാം
മേടം
സൂര്യ, ചന്ദ്ര ഗ്രഹണം മേടം രാശിക്കാര്ക്ക് ഏറെ മോശം സമയമാണ്. ഈ രാശിക്കാര് ഈ സമയംഏറെ ജാഗ്രത പാലിക്കേണ്ടത് അനിവാര്യമാണ്. ജോലി, ബിസിനസ് എന്നീ മേഖലകളില് ഭാരിച്ച നഷ്ടം സംഭവിക്കാൻ സാധ്യതയുണ്ട്. അതിനാല് ശ്രദ്ധയോടെ മുന്നോട്ടു നീങ്ങുക.
കന്നി
സൂര്യ, ചന്ദ്ര ഗ്രഹണം കന്നി രാശിക്കാര്ക്ക് ഏറെ സാമ്ബത്തിക നഷ്ടം വരുത്തി വയ്കാം. പണം വായ്പ നല്കുമ്ബോഴും സ്വന്തമായി ചിലവഴിയ്ക്കുമ്ബോഴും ഏറെ ശ്രദ്ധിക്കുക. നഷ്ടം സംഭവിക്കാം.
മീനം
മീനം രാശിക്കാര്ക്ക് സൂര്യ, ചന്ദ്ര ഗ്രഹണം ഏറെ മാനസിക ബുദ്ധിമുട്ടുകള് സൃഷ്ടിക്കാം. മാനസിക പിരിമുറുക്കം വര്ദ്ധിക്കാം. ആരോഗ്യ കാര്യത്തില് ശ്രദ്ധിക്കുക.