ലണ്ടൻ :ബാബെറ്റ് കൊടുങ്കാറ്റ് ആഞ്ഞടിക്കുന്നു. മഴയിലും കാറ്റിലും വെള്ളപ്പൊക്കത്തിലും വലഞ്ഞ് അയർലണ്ടും യുകെയും. കൊടുങ്കാറ്റ് പ്രഭാവത്തിൽ വെള്ളപ്പൊക്കം പേമാരി തുടരുന്നു. യുകെയിലെ ചില മാളുകളിലും റോഡുകളിലും വെള്ളപ്പൊക്കം ഉണ്ടായി.
അയർലണ്ടിൽ ബാബെറ്റ് കൊടുങ്കാറ്റ് ആഞ്ഞടിക്കുന്നു
അയർലണ്ടിൽ ബാബെറ്റ് കൊടുങ്കാറ്റ് രാജ്യത്തുടനീളം സ്വാധീനം ചെലുത്തുന്നതിനാൽ മൂന്ന് കൗണ്ടികളിൽ സ്റ്റാറ്റസ് ഓറഞ്ച് മഴ മുന്നറിയിപ്പ് പ്രാബല്യത്തിൽ ഉണ്ട്. കനത്ത മഴയും കിഴക്ക് മുതൽ തെക്ക് കിഴക്ക് വരെ വീശിയടിക്കുന്ന കാറ്റും പ്രാദേശികമായ വെള്ളപ്പൊക്കത്തിനും ഡ്രൈവിംഗ് ബുദ്ധിമുട്ടുകൾക്കും ഉയർന്ന വേലിയേറ്റത്തിൽ തിരമാലകൾ മറികടക്കുന്നതിനും കാരണമാകുമെന്ന് മെറ്റ് ഐറിയൻ പറഞ്ഞു.
ഇന്ന് രാവിലെ കോർക്ക് നഗരത്തിൽ, നോർത്ത് മാളിനു ചുറ്റും വെള്ളപ്പൊക്കം റിപ്പോർട്ട് ചെയ്തിട്ടുണ്ട്. ലെയിൻസ്റ്റർ (Carlow, Dublin, Kildare, Kilkenny, Laois, Longford, Louth, Meath, Offaly, Westmeath, Wexford and Wicklow), കാവൻ, ഡൊണെഗൽ, മൊനഗാൻ എന്നിവിടങ്ങളിൽ പ്രത്യേക സ്റ്റാറ്റസ് യെല്ലോ മഴ മുന്നറിയിപ്പ് നൽകിയിട്ടുണ്ട്, ഇന്ന് വൈകുന്നേരം 8 മണി വരെ സാധുതയുണ്ട്.
ക്ലെയർ, ലിമെറിക്ക്, ടിപ്പററി, Connacht (Galway, Leitrim, Mayo, Roscommon and Sligo.) എന്നിവിടങ്ങളിൽ കനത്ത മഴയ്ക്കും കിഴക്കൻ കാറ്റിനും സാധ്യതയുള്ളതിനാൽ, വൈകുന്നേരം 6 മണി വരെ സ്റ്റാറ്റസ് യെല്ലോ മഴ മുന്നറിയിപ്പും നിലവിലുണ്ട്.