തിരുവനന്തപുരം : സംസ്ഥാനത്ത് മഴ കനക്കുന്നു. തീവ്ര മഴക്ക് സാധ്യതയുള്ളതിനാല് പത്തനംതിട്ടയില് റെഡ് അലേര്ട്ട് പ്രഖ്യാപിച്ചു.
പത്തനംതിട്ട കുന്നംതാനത്ത് മൂന്ന് മണിക്കൂറിനിടെ 117.4 മി.മീ മഴയാണ് പെയ്തത്. അതേസമയം, തിരുവനന്തപുരം ജില്ലയില് ജില്ലാ കളക്ടര് ഓറഞ്ച് അലേര്ട്ട് പ്രഖ്യാപിച്ചു.
ഓറഞ്ച് അലര്ട്ട്
22-11-2023 : തിരുവനന്തപുരം, ഇടുക്കി
ജില്ലകളില് കേന്ദ്ര കാലാവസ്ഥ വകുപ്പ് ഓറഞ്ച് അലര്ട്ട് പ്രഖ്യാപിച്ചിരിക്കുന്നു . ഒറ്റപ്പെട്ടയിടങ്ങളില് അതിശക്തമായ മഴക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറില് 115.6 mm മുതല് 204.4 mm വരെ മഴ ലഭിക്കുമെന്നാണ് അതിശക്തമായ മഴ (Very Heavy Rainfall) എന്നത് കൊണ്ട് കാലാവസ്ഥ വകുപ്പ് അര്ത്ഥമാക്കുന്നത്.
പൊന്മുടി ഇക്കോ ടൂറിസം കേന്ദ്രം അടച്ചു. ഒരു അറിയിപ്പ് ഉണ്ടാകുന്നത് വരെ പൊന്മുടി തുറക്കില്ല. ജില്ലയില് ഖനന പ്രവര്ത്തനങ്ങളും കടലോര-കായലോര-മലയോര യാത്രകള്ക്കും നിരോധനമേര്പ്പെടുത്തിയിട്ടുണ്ട്.